Алматыда мектеп директоры жоғары оқу орнына грантқа түскісі келген оқушыларды алдаған

30 Маусым 2016, 13:42
0
Алматыда мектеп директоры жоғары оқу орнына грантқа түскісі келген оқушыларды алдаған - © komi-news.ru
© komi-news.ru

Алматыдағы орта мектептердің бірінің директоры алаяқтық жасағаны үшін сотталды, - деп хабарлайды Tengrinews.kz тілшісі Бостандық ауданының № 2 аудандық сотының баспасөз қызметіне сілтеме жасап. Іс материалдары бойынша, әйел жоғары оқу орындарына грантқа түскісі келген оқушыларды алдап келген.

"Мектеп директоры оқушылардың сеніміне кіріп, алаяқтықпен айналасып, олардан қомақты соманы алып жүрген. Ниетін іске асыру үшін ол арнайы жоспар құрып, мектеп оқушылары мен мұғалімдердің арасында жалған ақпарат таратқан. Яғни, ол мектепті бітірген соң жоғары оқу орнына грантқа түсіруге көмек көрсете алатынын айтқан", - деді баспасөз қызметіндегілер.

Сот үкімі бойынша мектеп директоры қомақты сомада алаяқтық жасағаны үшін айыпты деп танылып отыр. Ол үш жылға бас бостандығынан айырылып, жазасын жалпы тәртіптегі түзеу колониясында өтейді. Сонымен қатар, сот айыпталушының мүлкін тәркіледі. Сот үкімі әзірше күшіне енген жоқ. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай