Алматының Түрксіб ауданында жұмыс істемей тұрған мешіттен өрт шықты, - деп хабарлайды Tengrinews.kz тілшісі. Мәліметті қалалық ТЖД өкілдері растады.
"23.14-де Алматы ТЖД "101" пультіне Түрксіб ауданы, Жасқанат ықшамауданы, Баймағамбетов көшесі, 131 үйдің жанында орналасқан жұмыс істемейтін мешіттің өртеніп жатқаны туралы хабарлама келіп түсті. Алғашқы өрт сөндіру қызметі 7 минуттан кейін, сағат 23.21-де оқиға орнына жетті. Өрт сөндіріліп жатыр", - деп хабарлады Алматы қаласы ТЖД ресми өкілі Сандуғаш Баймұхамбетова.
Куәгерлер жолдаған сурет
Жалын шарпыған аумақ анықталып жатыр. Ешкім зардап шекпеген.
Кейін ТЖД өкілдері өрттің 00.23-де сөндірілгенін хабарлады.
