Арыстағы жарылыс: Тағы бір адам қайтыс болды

26 Маусым, 10:44
0
Арыстағы жарылыс: Тағы бір адам қайтыс болды - видеодан үзінді
видеодан үзінді

Түркістан облысы Арыс қаласындағы жарылыстар салдарынан 3 адам қаза тапты, - деп хабарлайды Тengrinews.kz тілшісі. 

Арнайы техникамен белгіленген және көшіруге дайындалған 24 жауынгерлік снаряд табылды. Түркістан облысы Денсаулық сақтау басқармасының мәліметтеріне сәйкес, медициналық көмекке 70 адам жүгінген, оның 45-і ауруханаға жатқызылып, 3 адам қаза болған.

"Қорғаныс министрлігі Шымкент қаласының емдеу мекемелерінің бірінде Арыс қаласының әскери бөлімдерінің бірінде болған төтенше оқиға салдарынан келісімшарт қызметінің әскери қызметшісі сержант А. Н. Ахметов қаза болғанын хабарлайды. ҚР Қорғаныс министрлігінің басшылығы мен жеке құрамы қаза тапқан адамның туған-туыстары мен жақындарына қайғырып көңіл айтады", - делінген ҚМ сайтында. 

"26 маусымдағы 6.00 жағдай бойынша төтенше жағдай мен оның салдарын жою орнында ІІМ-нің күштері мен құралдарын топтастыру жеке құрамның 1251 адамы және 188 бірлік техника жұмылдырылған, оның ішінде:
Азаматтық қорғау органдарының 346 қызметкері мен 48 бірлік техникасы, 358 қызметкер мен 75 бірлік полиция техникасы, 547 әскери қызметші мен 65 бірлік техникалары бар. 

Арыс қаласының аумағында ТЖК өрт сөндіру қызметінің күшімен 52 өрт жойылды (бір кафе ғимараты, 24 тұрғын үй, 10 шаруашылық құрылыстар, 17 табиғи өрт). Түркістан облысы полиция департаментінің, Ұлттық ұланның қызметкерлері Арыс қаласын қоршап, күзетіп жүр. Сондай-ақ қаланың периметрі бойынша бекеттер қойылған.

Облыстық полиция департаментінің қызметкерлерімен 3 тонау фактісі анықталды. Қорғаныс министрлігі ұшқышсыз ұшу аппаратын қолдана отырып, аэровизуалды барлаудың нәтижесінде әскери бөлімнің аумағында ашық жану жоқ екендігі анықтады.

Қорғаныс министрлігінің саперлік бөлімшелер саны 14 топ, жалпы саны 145 адам. Арнайы техникамен белгіленген және көшіруге дайындалған 24 жауынгерлік снарядтар табылды.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай