Астана маңында екі апта бұрын жоғалған 18 жастағы қыз әлі табылмады

02 Мамыр 2018, 14:45
0
Астана маңында екі апта бұрын жоғалған 18 жастағы қыз әлі табылмады - Назима Вохоббойева. © facebook.com/proastana
Назима Вохоббойева. © facebook.com/proastana

Астана маңындағы Жібек жолы ауылында 18 сәуірде нан сатып алуға шыққан 18 жастағы қыз жоғалып кетті. Полицейлер осы дерекке қатысты қылмыстық іс қозғалғанын мәлімдеді, - деп хабарлайды Tengrinews.kz тілшісі.

2000 жылы туған Назима Вохоббойеваның суреттері мен сипаттамасын әлеуметтік желіде жариялап жатыр. 

"Біз Жібек жолы ауылында тұрамыз. Сол күні оның көңіл-күйі жақсы болатын, шамамен сағат 15:30-да ол нан алуға дүкенге кетті. Осыдан кейін ол туралы хабар жоқ", - дейді жоғалған қыздың әпкесі Камила. 

Әпкесінің айтуынша, қыз бала ешкімге ескертпей ешқашан ұзақ уақытқа кетпеген, үйден қашпаған екен.  

Біз облыстық ІІД-ге және Астанаға да хабарладық. Әзірге ешқандай мәлімет жоқ", - деді Камила. 

Аршалы аудандық ішкі істер бөлімі қыз баланың іздестіріліп жатқанын және іс қозғалғанын мәлімдеді. Қалған мәлімет тергеу құпиялылығына байланысты айтылмады. 

Қыздың бойы 170-175 сантиметр, арықтау келген, шашы ұзын. Көк түсті шалбар киген, үстінде ақ кеудеше болған. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай