1. Басты
  2. Біл
  3. Оқиға
  4. Тосын жай

Астанада автобус жүргізушілерінің төбелесі жолаушылардың жағасын ұстатты 16 қыркүйек 2016, 09:08

Ал автопарк басшылығы тентек қызметкерлеріне тек ескерту берумен шектелген.
© КТК телеарнасының кадрлары © КТК телеарнасының кадрлары

Астанада қоғамдық көлік жүргізушілері бір-бірімен жаға жыртысты. Жұрттың көзінше төбелескен қызу қанды жігіттердің бұл қылығын жолаушылар ұялы телефонға түсіріп алған, - деп хабарлайды КТК.

Бір-бірін жұдырықтап жатқан Елордадағы нөмірі 39 бен 120-ншы бағыттағы автобустың жүргізушілері мен кондукторлары. Шанхай базарының жанында төбелес шығарған олар жолды бөлісе алмай, бір жағы жолаушыларға да таласқан сыңайлы. Жиналған жұрт бір-бірін төпештеп жатқандарды ажыратуға тырысқанымен, қызу қанды жігіттер бой берген жоқ. Біраз тартыстан соң екі жақ полиция шақырмай, жан-жаққа кетіп қалыпты. Автопарк басшылығы да тентек қызметкерлеріне тек ескерту берумен шектелген (Дереккөз: КТК).


© КТК телеарнасының кадрлары