Астанада жүргізуші автобус аялдамасын қиратты. Оқиғаға полиция баспасөз қызметі пікір білдірді, - деп хабарлайды Tengrinews.kz тілшісі.
Оқиға Орталық саябақтың автотұрағында болған.
"Toyota Alphard көлігінің жүргізушісі артқа жүріп келе жатып, газ бен тежегішті шатастырып алған. Соның салдарынан автобус аялдамасының павильонына соғылған. Соққыдан аялдаманың әйнегі сынған", – деп хабарлады полиция.
Дерек бойынша полиция қызметкерлері әкімшілік хаттама толтырды.
"Көлік арнайы айып тұрағына қойылды. Келтірілген мүліктік залал заңда белгіленген тәртіппен өндіріледі", – деп нақтылады полиция өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
