Астанада көпқабатты тұрғын үйде өрт шықты. Құтқарушылар қатты түтенген үйдің ішінен автосатыны пайдаланып адамдарды шығарған, - деп хабарлайды Tengrinews.kz тілшісі Астананың Төтенше жағдайлар департаментінің өкілдеріне сілтеме жасап.
Астанада көпқабатты тұрғын үйде өрт шықты. Құтқарушылар қатты түтенген үйдің ішінен автосатыны пайдаланып адамдарды шығарған, - деп хабарлайды Tengrinews.kz тілшісі Астананың Төтенше жағдайлар департаментінің өкілдеріне сілтеме жасап.
"10 наурызда сағат 11.16-да 101 байланысының орталық пунктіне Құдайбердіұлы көшесі нөмірі 31/1 мекенжайында өрт шыққаны жайлы хабарлама келді. 7 минуттан кейін құтқарушылар айтылған орынға жетіп, тоғызқабатты тұрғын үйдің екінші қабатында жатын бөлмеде жиһаз бен үй заттары 20 шаршы метрде жанғанын анықтаған", - деді ведомство өкілдері.
Қатты түтіннен адамарға қауіп-қатер төнген. 25 құтқарушылар автосатыны пайдаланып адамдарды үйден шығарған. 25 адам құтқарылды. Оның ішінде төртеуі бала. 50 адам қауіпсіз жерге көшірілді. Оның 12-сі бала.
Өрт сағат 11.33-те сөндірілді. Өрттің себебі анықталып жатыр.
фото: Астана қаласының Төтенше жағдайлар департаментінің баспасөз қызметі
