1. Басты
  2. Біл
  3. Оқиға
  4. Тосын жай

Астанада өрт салдарынан 60 адам жатақханадан көшірілді10 наурыз 2014, 09:45

Сурет Tengrinews.kz сайтының мұрағатынан алынған Сурет Tengrinews.kz сайтының мұрағатынан алынған
"Астана қаласында 9 наурыз күні орын алған өрт салдарынан 60 адам жатақханадан көшірілді" деп хабарлайды Tengrinews.kz ҚР ТЖМ баспасөз қызметіне сілтеме жасап. Ведомствоның дерегіне қарағанда, өрт Жирентаев көшесі 15/1 мекен жайда орналасқан жатақхананың бесінші қабатындағы бөлмелердің бірінде болған. 12 шаршы мерт аумақты шарпыған өрт жарты сағат ішінде ауыздықталды. Өрт салдарынан екі адам улы ғазға тұншығып, ауруханаға жатқызылды. Сондай-ақ 7 адам құтқарылып (оның біреуі сәби), 60 адам қауіпсіз аймаққа көшірілген (олардың 17-сі балалар). Естеріңізге салсақ, 7 наурыз күні Елордадағы бесқабатты үйлердің бірінде өрт болған еді. Бірінші қабатта орналасқан пәтерде орын алған өрттің аумағы 30 шаршы метрді құрады. Өрт салдарынан екі адам қайтыс болып, екі адам улы газға тұншығып, ауруханаға жеткізілген болатын.