Астанада салынып жатқан ғимараттың бір бөлігі опырылып түсті: 1 адам қаза болды, тағы біреуі үйінді астында жатыр

17 Қыркүйек 2017, 14:36
0
Астанада салынып жатқан ғимараттың бір бөлігі опырылып түсті: 1 адам қаза болды, тағы біреуі үйінді астында жатыр -

Астанада салынып жатқан ғимараттың бір бөлігі опырылып түсті, - деп хабарлайды Tengrinews.kz тілшісі куәгерлерге сілтеме жасап.

Куәгерлердің айтуынша, салынып жатқан ғимарат "Шанхай" базарының маңында орналасқан.

"Автобуспен өтіп бара жатқанда көз алдымда салынып жатқан ғимараттың бір бөлігі опырылып түсті", - дейді куәгер. Оның болжамынша, ғимараттың ішінде адамдар болған.

ҚР ІІМ Төтенше жағдайлар комитетінің ресми өкілі Руслан Иманқұлов бұл мәліметті растады.

Комитеттің мәліметінше, 17 қыркүйекте сағат 11.56-да жаңадан салынып жатқан ғимараттың бір бөлігі опырылып кетті.

"Төтенше жағдайдан алдын ала мәлімет бойынша, үш адам зардап шекті: бір адам қаза болды, бір адам ауруханаға жеткізілді және бір адам үйінді астында қалды. Адамдардың аты-жөні анықталып жатыр", -деді Иманқұлов.

"Үйінді астында қалған адамды іздестіру жұмыстары жүргізіліп жатыр. Алдын ала мәлімет бойынша, онда барлығы үш құрылысшы жүрді", - деді Руслан Иманқұлов.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай