Астанада тағы бір босанған әйел қайтыс болды

03 Шілде 2018, 17:43
0
Астанада тағы бір босанған әйел қайтыс болды - © grifoninfo.ru
© grifoninfo.ru

Астанада №1 перинаталдық орталықта тағы бір босанған әйел қайтыс болды, - деп хабарлайды Tengrinews.kz тілшісі. Бұл туралы Қоғамдық денсаулық сақтау басқармасының басшысы Камалжан Надыров айтты.

"№1 перинаталдық орталықта үшінші өлім тіркелді", - деп хабарлады Камалжан Надыров.

Қайғылы жағдай кеше, 2 шілдеде сағат 18.25-те болған.

"Үшінші өлім әйел адамның жүктілігі кезіндегі қан кетумен байланысты. Әйел ауруханаға түскенде одан қан кетіп жатты. Кесарев тілігі арқылы босанды. Бала аман-есен", - деді 1 перинаталдық орталықтың бас дәрігерінің орынбасары Ербол Әубәкіров.

Еске сала кетейік, осыған дейін Астананың № 1 перинаталдық орталығында босанған екі әйелдің қайтыс болғаны жайлы хабарланған болатын. "Екі әйел қайтыс болды. Біріншісі - 1983 жылғы келіншек 21 маусымда таңғы сағат 5-терде қайтыс болды. Ол өзі босанды. Екіншісі 31 жастағы келіншек 25 маусымда сағат 04.03-те қайтыс болды. Ол кесарев тілігімен босанды. Екеуінде де соматикалық аурулар тіркелді", - деп хабарлаған еді ауруханадағылар.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай