Астана қаласының Қонаев 10 мекен жайында зәулім үйлердің бірінде өрт шықты, - деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
Өрт туралы хабарламаға екінші номер берілсе де, өрт шалған аумақ үлкен емес - 4-5 шаршы метр. Техникалық 16-қабаттағы кеңсе жиһазы мен қағаз жанған.
Өрт 8 минуттан кейін ауыздықталды. Өрт сөндірушілердің шұғыл жұмысының арқасында оның өзге де бөлмелерге таралуына жол берілмеді.
"Дабыл қағылды, өрт жылдам сөндірілді. Зардап шеккендер мен қаза тапқандар жоқ. Адамдар эвакуацияланбады", - делінген баспасөз қызметінің хабарламасында.
Айта кетейік, бұл ғимаратта "Қазатомөнеркәсіп" компаниясының кеңселері орналасқан.