+7 (777) 001 44 99
Қазақша
Русский
English
Астанада "Керуен Сити" сауда орталығының қарсысында ашық мазмұндағы және бағасы доллармен көрсетілген жарнама пайда болды, - деп хабарлайды Tengrinews.kz тілшісі.
Елорда тұрғындары үлкен LED-экранда интим қызметтерді жарнамалаған бейнежазбаға таңғалды. Оқиға орнынан түсірілген кадрлар бірден әлеуметтік желілерге тарады.
Астана Ішкі саясат басқармасы бұл оқиға әлеуметтік желілерді тексеру кезінде байқағанын хабарлады.
"LED-экранда ашық мазмұндағы хабарландыру орналастырылғаны тіркелді. Басшылық мәліметінше, құқықбұзушылық Wi-Fi желісін бұзып кіру арқылы жасалған.
Экран иесімен кездесіп, түсіндіру жұмыстарын жүргіздік, қызметтік тексеріс жүргізілді, осындай жағдайдың қайталануын болдырмау мақсатында LED-экран алынған", – деп мәлімдеді әкімдік.
Материалдар полицияға берілді. Қазір бұл жүйенің және жарнама туралы заңның бұзылған-бұзылмағаны тексеріліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
