Атырау облысындағы жан түршігерлік жол апатынан үш адам қаза тапты

23 Маусым, 13:15
0
Атырау облысындағы жан түршігерлік жол апатынан үш адам қаза тапты -

Атырау облыстық денсаулық сақтау басқармасының мәлімдеуінше, 22 маусымда Индер ауданында болған жол апатынан қаза тауып, зардап шеккендердің жалпы саны - 8. Бұған дейін үш адам қаза тауып, төрт жолаушы жарақат алғаны айтылған, - деп хабарлайды ҚазАқпарат тілшісі.

"Оқиға орнына жедел жәрдем бригадасы жіберілді. Оқиға орнында екі адам қаза тапқан, Индербордағы аудандық ауруханаға барар жолда тағы бірі қайтыс болды. Ауруханаға зардап шеккен 5 адам жеткізілді. Ауданға хирург пен реаниматолог жіберілді", - деп мәлімдеді облыстық денсаулық сақтау басқармасының баспасөз қызметі.

Еске салсақ, қайғылы оқиға Индер ауданының Индербор ауылында болды. "Тойота" және "Лексус" автокөліктері соқтығысып, үш адам оқиға орнында мерт болды, ал төртеуі түрлі жарақатпен ауруханаға жеткізілді.

Аймақтық полиция демпартаменті баспасөз қызметінің мәліметінше, жол-көлік оқиғасы негізінде ҚР ҚК 345-бабы, 3-бөлімі бойынша қылмыстық іс қозғалған.

Облыстық денсаулық сақтау басқармасының мәлімдеуінше, мамандар зардап шеккендерді санитарлық авиациямен Атырауға жеткізу туралы шешім қабылдаған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай