+7 (777) 001 44 99
ПОДЕЛИТЬСЯ
Атырауда түгел бір отбасына иіс тие жаздады. Төрт баланың анасы Нұргүл Бердіғалиева балаларын үйден алып шыққан соң есінен танып қалғанын айтты, - деп хабарлайды Ақ Жайық.
Атырауда түгел бір отбасына иіс тие жаздады. Төрт баланың анасы Нұргүл Бердіғалиева балаларын үйден алып шыққан соң есінен танып қалғанын айтты, - деп хабарлайды Ақ Жайық.
"28 ақпанда түскі астан кейін үйде ұйықтап қалдым, көзімді ашқанда басым қатты ауырды. Иіс сезілді, мен оның газ екенін бірден түсіндім, балаларға далаға шығыңдар дедім. Кішкентай баламды киіндіріп, жақындарым мен достарыма алып бардым. Балаларды әр түрлі мекенжайға апарып жүргенде өзіме мән бермеппін, құрбыма келгенде есімнен танып қалдым", - дейді Нұргүл Бердіғалиева.
Ол ауруханада есін жиған - түнгі екіге дейін оған медициналық көмек көрсетілді. Бірақ ол ауруханада қалудан бас тартқан, себебі балаларын әр түрлі жерде қалдырғысы келмеген. Сол күні ол 104-ке қоңырау шалған, қызметкерлер келіп, бітеме қойған, сол кезде отбасына басқа жерде түнеуге кеңес берген. Келесі күні таңертең - 1 наурызда - қызметкерлер тағы келіп, қазандық пен мұржаны ашып тексерген.
Нұргүл мен жарының өз үйі жоқ, пәтер жалдайды. Олардың 4 баласы бар - екі қыз бен екі ұлы. Кіші ұлы Ақниет - мүгедек, церебрал сал ауруы және ұстама синдром диагнозы қойылған.
"Мен 2016 жылдан бері баламның мүгедектігіне байланысты кезекте тұрмын, кезек қашан келетіні - белгісіз. Жарым қазір вахтада, ол қант диабетімен ауырады, бірақ мүгедектігіне (2-топ) қарамастан, ол жұмыс істейді. Өз баспанамыз болмаған соң, жалға аламыз. Бірақ бізді көбі үйі немесе пәтеріне кіргізбейді: көпбалалы отбасын проблема санайды. Бүкіл қаланы аралап шықтым, өйткені науқас балаға жағдай қажет, оны жиі жуындыру керек, үй әрдайым жылы болуы қажет", - деді Бердіғалиева.
Еске салайық, 19 ақпанда бесқабатты тұрғын үйдің үшінші қабатындағы пәтер өртеніп кеткен болатын. Пәтерде 2015, 2016, 2017, 2019 және 2020 жылғы балалар болған, олар үйде ересектердің қарауынсыз қалған. Алдын ала мәлімет бойынша, отбасының әкесі жұмыста болған, анасы дүкенге кеткен. Барлық балаға иіс тиіп, шұғыл ауруханаға жатқызылған, бірақ біраз уақыттан кейін олар қайтыс болған еді.
Бұған дейін, 27 ақпанда Түркістандағы жекеменшік үйлердің бірінде құтқарушылар бес адамның мәйітін тапқан еді, олардың төртеуі бала. Олар иіс тиіп қаза тапқан.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
