+7 (777) 001 44 99
Қазақша
Русский
English
Қазақша
Русский
English
Жамбыл облысында Ан-2 ұшағы апатқа ұшырады, - деп хабарлайды Tengrinews.kz тілшісі Жамбыл облыстық төтенше жағдайлар департаментінің жедел бөлімінің бастығы Юрий Салагаевқа сілтеме жасап.
Оның айтуынша, әуе кемесі 20 қаңтар күні Тараз қаласынан 300 шақырым қашықтықта, Шу ауданында апатқа ұшырады. Апат құрбандары туралы мәлімет нақтыланып жатыр. Бір адамның аса ауыр халде екені туралы ақпарат бар. Оқиға орнына құтқарушылар мен шұғыл әрекет ету қызметтері аттанды.
Төтенше оқиға туралы ақпаратты "Апат медицинасы орталығы" мекемесінің облыстық филиалы мамандары да растады. Ұшақ Қарағанды облысынан ұшып шыққан. "Апат медицинасы орталығының" Жамбыл облысы бойынша филиалының жетекшісі Жұмағали Пановтың хабарлауынша, қайғылы оқиға Шу қаласынан 60-70 шақырым қашықтықтағы Шатыркөл өзенінің маңында болды.
Еске сала кетейік, 2013 жылдың шілдесінде Қызылорда облысында Ан-2 ұшағы құлаған еді. Төтенше оқиға Шиелі ауданының аумағында, "Халық" шаруа қожалығының күріш алқабында болды. Оқиға салдарынан ешкім зардап шеккен жоқ.
