+7 (777) 001 44 99
ПОДЕЛИТЬСЯ
Бес жасар баланы ұрғаны үшін жұмыстан босатылған тәрбиеші Жамбыл облысы Шақпақ-Ата кентіндегі жұмыс орнына оралды. Бұған ашуланған жергілікті тұрғындар балабақшаға бойкот жариялады, - деп хабарлайды Tengrinews.kz тілшісі "Еуразия бірінші арнасына" сілтеме жасап.
Бес жасар баланы ұрғаны үшін жұмыстан босатылған тәрбиеші Жамбыл облысы Шақпақ-Ата кентіндегі жұмыс орнына оралды. Бұған ашуланған жергілікті тұрғындар балабақшаға бойкот жариялады, - деп хабарлайды Tengrinews.kz тілшісі "Еуразия бірінші арнасына" сілтеме жасап.
Ауыл тұрғындарының айтуынша, әйел балабақша директоры демалыста екенін пайдаланып, басшының міндетін уақытша атқарушыны өзін қайта жұмысқа қабылдауға көндірген.
"Тәрбиешілердің баланы ұрғаны қалыпты жағдай ма? Оны жұмыстан босатыңыз!" - деп талап етті Шақпақ-Ата ауылының тұрғыны Гүлбахар Кесембаева.
"Бір рет ұрды, енді тағы ұрмайтынына кім кепілдік береді?" - дейді тағы бір жергілікті тұрғын Қалдыбек Қуанышбеков.
Телеарна мәліметінше, балабақша директоры да бұл жағдайға наразы. Ол беделіне нұқсан келді деп санайды және тіпті орынбасарын жұмыстан шығармақшы. Бірақ ол жауапкершілікті аудандық білім бөліміне сілтеп отыр.
Жағдайды түсіну үшін Жуалы ауданында арнайы комиссия құру туралы шешім қабылданған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
