Жамбыл облысындағы жарылыс орнынан табылған үш адам кім екені анықталды 31 тамыз 2021, 12:40
Қорғаныс министрлігі Жамбыл облысындағы әскери қоймада жарылыс болған кезінде қаза тапқан тағы үш адамның есімін атады, - деп хабарлайды Tengrinews.kz тілшісі.
"Жамбыл облысында оқ-дәрілер қоймасындағы өрт болған жерден табылған үш құрбанның жеке бас мәліметтері анықталды.
Олар Жамбыл облысы бойынша ТЖД қызметкерлері:
- ҚӨСБ қызметкері-жүргізушісі аға сержант Ғафан Жомартұлы Қуатбек 1995 жылғы;
- ӨСБ өрт сөндіруші-құтқарушысы сержант Әділет Қанатбекұлы Әділбек 1987 жылғы;
- ӨСБ өрт сөндіруші-құтқарушысы қатардағы жауынгер Әліби Бексұлтанұлы Кеңес 1999 жылғы", - делінген хабарламада.
Еске салайық, 26 тамызда Жамбыл облысы Байзақ ауданында орналасқан әскери бөлімде сағат 19.00 шамасында қоймалардың бірінің жанында өрт шыққан. Өрт салдарынан анықталмаған заттар жарылған.
Мемлекет басшысы Қасым-Жомарт Тоқаев 29 тамызды Жалпыұлттық аза тұту күні деп жариялаған болатын. Ал бүгін Президент қаза тапқандарды марапаттаған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!