Алматы облысында үш слесарь құдық тазалау кезінде қайтыс болды, - деп хабарлайды Tengrinews.kz тілшісі облыстық ТЖД баспасөз қызметіне сілтеме жасап.
Оқиға 2018 жылы 28 тамызда 11:49-да Қапшағайдағы сорғыш станциясының 10-ыншы кәріз жүйесінде болды.
"Жоспарлы канализациялық құдықта тазалау жұмыстарын жүргізу кезінде, болжаммен, "Қапшағай Су құбыры" мекемесінің 1964, 1965 және 1967 жылғы үш слесарі метан газына уланып, қайтыс болған", - делінген хабарламада.
Қайтыс болған адамдардың денесін Алматы облыстық ТЖД қызметкерлері құдықтан алып шыққан.
