Қарағанды облысында аударылған автобустың 20 жолаушысы балаларымен көмек күтіп отыр

09 Ақпан 2017, 17:06
0
Қарағанды облысында аударылған автобустың 20 жолаушысы балаларымен көмек күтіп отыр - иллюстрациялық сурет
иллюстрациялық сурет

Қаражал қаласынан Қарағандыға шыққан автобус Шет ауданының Қарамұрын ауылына жетпей аударылды, - деп хабарлайды Tengrinews.kz тілшісі жолаушыларға сілтеме жасап. Алдын ала мәліметтер бойынша, жүргізуші тізгінге ие бола алмай, жол шетіне шығып кетіп, аударылған. 

Автобустың салонында 20-ға жуық жолаушы болған, соның ішінде бесеуі бала. Бақытына орай, жолаушылардың ешқайсысы зардап шекпеген. "Дүрлігу жоқ. Жолаушылар әзірше ештеңе қолданған жоқ! Егер терезелерді сындыратын болсақ, үсіп қаламыз. Сол себепті көмек күтеміз! Жол-көлік оқиғасы боранның әсеріне және көру мүмкіндігі өте нашар болғандықтан, осындай жағдайға душар болдық", - деді жолаушылардың бірі. 

Облыстық ТЖД баспасөз қызметінің мамандары өздерінің арнайы техникалары мен құтқарушылардың оқиға орнына әлі шықпағанын айтты. Алайда жол апаты туралы мәлімет расталды. ІІД-нің баспасөз қызметінің мамандары осы оқиға бойынша кейінірек хабардар ететінін мәлімдеді. 

Еске салайық, осыған дейін Қарағанды облысындағы Дубовка ауылының маңында бірден алты көлік соқтығысқан еді. Көліктердің жаппай соқтығысуына жолдың нашар көрінуі себеп болған. Бірнеше көлік жол шетіне шығып кеткен. Куәгерлердің сөзінше, зардап шеккендер жоқ. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай