Қарағанды облысында топан судан төрт адам қайтыс болды

31 Наурыз 2014, 09:55
0
Қарағанды облысында топан судан төрт адам қайтыс болды - Фото Tengrinews.kz мұрағатынан
Фото Tengrinews.kz мұрағатынан

Қарағанды облысындағы Көкпекті елді мекенінде бөгетті су жырып кетіп, соның салдарынан төрт адам қайтыс болды деп хабарлайды Тengrinews.kz тілшісі облыстық төтенше жағдайлар департаментінің баспасөз қызметіне сілтеме жасап.

"31 наурызда сағат 01.30-да Көкпекті суқоймасында бөгетті су шайып кетіп, елді мекеннің 100 үйін биіктігі 1,5-1,8 метр болатын топан басып қалды. Сағат 02.45-тен бері елді мекенде су деңгейі қайта бастады", - делінген таратылған хабарламада.

Төтенше жағдайды залалсыздандыруға және су басқан ауылдан халықты көшіруге арнайы техника, құтқару қызметінен, апат медицинасы бөлімшелерінен, ҚР ТЖМ Азаматтық қорғаныс полкінен 124 адам мен 15 техника жұмылдырылды. "Жүргізілген жұмыстардың нәтижесінде Көкпекті ауылының 125 тұрғыны құтқарылды. Құтқару жұмыстарының барысында төрт адамның денесі табылды. Көкпектідегі мектепте төтенше жағдайды залалсыздандыру жөніндегі штаб пен медпункт ашылды", - дейді департамент мамандары. Оқиға орнына Төтенше жағдайлар министрі Владимир Божко ұшып шықты.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай