Қарағандыда автобусқа отырмақшы болған әйел оңбай жарақат алды

26 Сәуір 2017, 17:14
0
Қарағандыда автобусқа отырмақшы болған әйел оңбай жарақат алды -

Қарағандыда автобусқа отырмақшы болған әйел оңбай жарақат алды. Оның айтуынша, жүргізуші әйел адамның салонға кіріп үлгермегенін көре тұра қоғамдық көлікті жүргізе бастаған. Қалалық әкімдік те осы дерекке қатысты тексерісті бастаған, - деп хабарлайды Tengrinews.kz тілшісі. 

Жазатайым оқиғаны куәгерлер видеоға түсіріп алған. Видеода беті қанға боялған әйел жолаушыларға автобус жүргізушісінің салғырттығынан осындай жағдайға тап болғанын айтады. Сол жердегі бір ер адам нақтылап, жағдайдың қалай болғанын сұрастырып, кондукторды шақыртады. Видеоға көліктің мемлекеттік тіркеу нөмері де түсірілген.  

Қалалық әкімдіктің жолаушылар тасымалдау секторының басшысы Ескендір Қабидолла осы жағдайға байланысты пікір білдірді. Оның сөзіне қарағанда шенеуніктер қазіргі уақытта болған оқиғаның мән-жайын анықтап жатыр. 

"Біз қазір автобустың қай автопаркке тиесілі екенін анықтап жатырмыз. Видеода автобус нөмері қате түсірілген болуы мүмкін, ол 07-ші емес. Толығырақ мәліметті кейінірек хабарлаймыз", - деді Қабидолла.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай