Қарағандыда өрт сөндірушілердің бірі жол апатынан қайтыс болды

19 Желтоқсан 2014, 12:57
0
Қарағандыда өрт сөндірушілердің бірі жол апатынан қайтыс болды - Фото pavlodarnews.kz сайтынан
Фото pavlodarnews.kz сайтынан

Қарағандыда өрт сөндірушілер экипажы жұмыс кезінде жол-көлік апатына ұшырап, бір адам қаза болды, - деп хабарлайды Tengrinews.kz тілшісі.

Төтенше жағдайлар департаментінің УАЗ-ы Mercedes Benz автокөлігімен Майқұдық ықшамауданындағы Мамраев көшесінде соқтығысқан. Тергеудің алдын ала мәліметтері бойынша, Қарағандыдағы жол-көлік оқиғасы неміс автокөлігін басқарған 22 жастағы жігіттің жолда жүру ережесін бұзғанынан болған, ол қызметтік көлікке жол бермеген.

"Біз оқиға орнына келгенде екі көлік те аударылып жатты. Үш өрт сөндірушінің үшеуі де зардап шекті. Олардың біреуі, өртке қарсы қызмет басқармасының 51 жастағы прапорщигі ауруханаға жеткен соң қайтыс болды. Өрт сөндіру қызметінің жедел кезекшісі және апаттан құтқару қызметінің қалған екі маманы дене жарақаттарын алды", - дейді Жедел медициналық жәрдем станциясының мамандары.

Облыстық медициналық орталыққа Mercedes Benz көлігінің жүргізушісі де жеткізілді. Оқиға орнында жұмыс істеген Қарағанды әкімшілік полиция басқармасы қызметкерлерінің айтуынша, жігіттің үстінен қылмыстық іс қозғалды.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай