Реклама +7(700) 388 81 09
  1. Басты
  2. Біл
  3. Оқиға
  4. Тосын жай

Қазақстандық қателесіп жіберілген миллион теңге үшін сотталуы мүмкін 21 қаңтар 2022, 09:08

Қостанай облысы Әулиекөл аудандық соты "бөтен миллион теңге" туралы істі қарап жатыр, - деп хабарлайды Tengrinews.kz тілшісі "Астана" арнасына
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Қостанай облысы Әулиекөл аудандық соты "бөтен миллион теңге" туралы істі қарап жатыр, - деп хабарлайды Tengrinews.kz тілшісі "Астана" арнасына сілтеме жасай отырып.

Талапкер - Қызылорда облысының тұрғыны. Былтыр қазанда әйел құрбысының картасына 1 миллион теңге жібергісі келген. Бірақ соңғы 4 санды қате терген. Ақша Қостанай облысына, басқа ауыл тұрғынына түсіп кеткен.

Телеарна мәліметінше, талапкер және жауапкер бет-әлпетін көрсеткісі келмеген, сондай-ақ, аты-жөндерін айтпауды өтінген. Дегенмен Әулиекөл тұрғыны телефон арқылы сөйлескен кезде бөтен миллион теңгені бірден алмағанын айтты. Оның айтуынша, телефонында банк қосымшасы жүктелмеген, банктен де хабарлама келмеген. Сонымен қатар, ақша түскеннен кейін банк бірден соманың жартысынан оның кредитін ұстап қалған.

"Үлкен сома түсті. Егер ақша түскен күні білсем, картаны бұғаттап, тоқтататын едім. Маған мұның бәрі автоматты түрде алып тасталатынын айтты", - деді Әулиекөл ауылының тұрғыны.

Соманың қалған жартысын әйел бірден иесіне жіберді. Бірақ банк алған ақшаны қайтармады. Әйел ол ақшаны қазір қалтасынан бере алмайды. Ол жұмыс істемейді, декреттік демалыста. Сондықтан іс сотқа дейін жеткен.

Телеарна мәліметінше, алдымен тараптар мәселені татуласу арқылы шешуге тырысқан. Бірақ келісе алмаған. Талапкер ақшаны дереу алғысы келеді, ал жауапкер бұл жағдайда өзінің кінәсі жоқ деп санайды. Сонымен қатар, қалған ақшаны өз иесіне банк қайтаруы керек деп ойлайды. Сот бірнеше аптадан кейін шешім шығарады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram