14 қаңтарда Көкшетауда ірі жол апаты болып, екі адам қаза тапты. Бұл туралы Tengrinews.kz тілшісіне Ақмола облыстық ІІД баспасөз қызметінің өкілдері хабарлады.
"Жергілікті уақыт бойынша 17.00-де LADA Priora жүргізушісі тізгінге ие бола алмай қалып, бағанаға соғысты. Оқиға орнында 1991 жылғы жолаушы қаза тапты. Кейін ауруханада 1984 жылғы жолаушы көз жұмды. Қылмыстық кодекстің 345-бабы бойынша сотқа дейінгі өндіріс қозғалды. Сараптама кешені тағайындалып, жүргізіліп жатыр", - делінген хабарламада.
Ал жол апатының куәгерлері оқиғаның суреттері мен видеосын Желіде жариялап жатыр. Суретке қарағанда, көлік соққыдан екіге бөлініп кеткен.
Құқық қорғау органдары
Автокөліктер
Ақмола облысы
Жол-көлік оқиғасы
Жолдар
Көлік саласы
соңғы жаңалықтар
Төтенше жағдай
Қайғылы оқиға
