1. Басты
  2. Біл
  3. Оқиға
  4. Тосын жай

Көкшетау маңында жол апатынан үш адам қаза тапты17 ақпан 2020, 17:12

Ақмола облысында көліктердің соқтығысуынан үш адам қаза тапты және тағы екеуі зардап шекті, - деп хабарлайды Tengrinews.kz тілшісі.

Жол апаты 17 ақпанда Көкшетау - Омбы тасжолының Зеренді ауданындағы Қызылтаң ауылының маңында болған. 

Полиция департаменті баспасөз қызметінің мәліметінше, Mazda 626 автокөлігінің 20 жастағы жүргізушісі Көкшетауға қарай бағыт алған. Ол көлікті басқаруды игере алмай, жолдың қарсы бетіне өтіп кетіп, Lada Largus автокөлігін соққан. 

Жол апаты салдарынан екі көліктің жүргізушісі, сондай-ақ Lada Largus көлігінде отырған 41 жастағы жолаушы оқиға орнында қаза тапты. Тағы екеуі ауруханаға жеткізілді. 

Посмотреть эту публикацию в Instagram

Публикация от Кокшетау-лайф (@kokshetaulifekz)

Осы дерекке қатысты ҚР Қылмыстық кодексінің 345-бабы 4-бөлігі бойыншы сотқа дейінгі тергеу шаралары жүріп жатыр. Автотехникалық сараптама тағайындалған.