1. Басты
  2. Біл
  3. Оқиға
  4. Тосын жай

Қызылорда облысында қыз баланы соққыға жыққандардың видеосы таралды24 сәуір 2019, 08:58

Полицейлер қызды ұрып-соғып жатқан видеоға қатысы барлардың кім екенін анықтады. Бұл туралы Қызылорда облыстық полиция департаменті өкілдері мәлімдеді, - деп хабарлайды Tengrinews.kz тілшісі. 

Оқиға 17 сәуірде Тасбөгет ауылында болған екен. Жәбірленушінің ата-анасы полицияға арызданбаған. 

"Әлеуметтік желілерде тараған видеоларды бұзақылық дерегі бойынша тексеру барысында полицейлер құрдасын соққыға жыққан қыздың және оны видеоға түсіріп тұрғандардың кім екенін анықтады. Қазір ҚР ҚК 293-бабының 1-бөлігі (бұзақылық) бойынша сотқа дейінгі тергеу басталды. Сараптама тағайындалды", - деп хабарлады полициядағылар. 


Видеодан алынған кадр