1. Басты
  2. Біл
  3. Оқиға
  4. Тосын жай

Қызылорда түбінде болған жол апатынан 5 адам қаза тапты 14 қаңтар 2016, 15:58

Жол-көлік оқиғасы Қызылорда - Жалағаш автожолында болды.
© avtosreda.ru © avtosreda.ru

Қызылорда түбінде болған жол апатынан 5 адам қаза тапты, - деп хабарлайды Тengrinews.kz тілшісі облыстық ІІД баспасөз қызметінің өкілдеріне сілтеме жасап. Тағы төрт адам ауруханаға түсті.

Полицияның мәліметінше, жол-көлік оқиғасы 13 қаңтарда болған. "Қызылорда - Жалағаш автожолында Сырдария ауданының 9-шы разъезінде екі жеңіл көлік соқтығысты. Бес адам қаза болды, тағы төртеуі ауыр жағдайда аудандық аурухананың жансақтау бөліміне түсті", - делінген хабарламада.

Жол-көлік оқиғасының дерегі бойынша "Бір немесе одан да көп адамның өліміне әкеп соқтырған жол қозғалысы ережесін бұзу" бабымен сотқа дейінгі тергеу басталды. Сараптамалар тағайындалды.