"Мұндай ешқашан болған емес". Қызылорда облысында бөгет жарылды

27 Желтоқсан 2018, 09:26
0
"Мұндай ешқашан болған емес". Қызылорда облысында бөгет жарылды - © 1tv.kz
© 1tv.kz

Қызылорда облысы Қазалы ауданында су Сырдария өзеніндегі бөгетті жарып жіберіп, нәтижесінде 60 гектар жайылым су астында қалған. Тұрғын үйлер мен оның маңын су басқан, - деп хабарлайды Tengrinews.kz тілшісі "Еуразия бірінші арнасына" сілтеме жасап.

Телеарнаның мәліметінше, осымен екі тәулік бойы 150 адам мен 40 дана техника жұмыс істеп жатыр.

"Осында тұрғаныма қанша болды, бірақ мұндай ешқашан болмапты! Қыс ортасында судың тасып кетуі деген болған емес. Неге бұлай болды?", - дейді жергілікті тұрғындардың бірі Улия Жұбаныш.

Ал жергілікті әкімдік өкілдері төтенше жағдайға кеміргіштердің себеп болуы мүмкін екенін айтады.

"Облыс әкімі Қырымбек Елеуұлы 2018 жылы облыстағы 21 қауіпті аймақты атады. Бірақ біздің аудан ешқашан ондай қауіпті болып саналған емес. Бұған бөгетте ін қазған кеміргіштер себеп болуы мүмкін", - деді Қазалы ауданы әкімінің орынбасары Ғалымжан Еркебай. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай