Нұр-Сұлтанда жастар суретке түсу үшін көпір аркасына шыққан, - деп хабарлайды Tengrinews.kz тілшісі.
Полиция мәліметінше, оқиға 19 қазанда болған. 18-19 жас аралығындағы үш адам Қабанбай батыр даңғылы бойындағы көпір аркасына шыққан.
Оқиға орнында патруль қызметкерлері жасөспірімдерді ұстап, полицияға жеткізген.
"Құқықбұзушылардың айтуынша, олар Нұр-Сұлтан көрінісін суретке түсіру үшін осындай әрекетке барған. Оларға әкімшілік хаттама толтырылды. Сонымен қатар, профилактикалық әңгіме жүргізілді", - деді полиция департаменті өкілдері.
Құқық қорғау органдары астаналықтарға мұндай фотосессия қайғылы жағдаймен аяқталуы мүмкін екенін және ол үшін өмірді қатерге тігуге болмайтынын ескертеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
