Алматы қаласының басшылығы күн-түн демей "Оңай" төлем картасын енгізуге тырысып жатса, кей жекелеген автопарктердің қызметкерлері қолма-қол ақша табуға тырысып бағуда. Бұл туралы "Алматы" телеарнасы хабарлады.
Ғаламторға салынған бейнетаспада студент "Оңай" терминалы арқылы төлем жасағысы келген. Бірақ аппарат істемейді деп сылтауратқан кондуктар қолма-қол төлем жасауды талап еткен. Жазбада бұл № 54 автобус екені жазылған. "Оңайға" ғана қаражат төлеймін" деген азаматшаны кондуктар балағаттап, күштеп автобустан түсіріп тастамақ болған.
