1. Басты
  2. Біл
  3. Оқиға
  4. Тосын жай

Өскеменде Ертіс өзеніне құлаған әйел мен баланы кездейсоқ адамдар құтқарды

© siapress.ru © siapress.ru

Өскеменде кездейсоқ өтіп бара жатқан адамдар суға кеткен әйел мен баланы құтқарып қалды. Бұл туралы ҚР ІІМ ТЖК баспасөз қызметі мәлімдеді, - деп хабарлайды Tengrinews.kz тілшісі.  

Оқиға Ертіс өзенінің жағалауында болған. Әйел адам мен бала байқаусызда суға құлап кеткен. 

"Оқиға орнында № 2 өрт сөндіру қызметінің жүргізушісі Виталий Бақтыбаев кездейсоқ жүрген. Ол еш ойланбастан суға секіріп, құтқаруға асыққан. Оған көмекке электромонтер Ернар Қаділбеков пен оның әріптесі Айдын Төртбай келген. Олар анасы мен баласын судан алып шыққан. Ернар Қаділбеков қолдан дем алдыру әдісімен баланың өмірін аман алып қалды", - дейді Руслан Иманқұлов.

Сонымен қатар,  оқиға орнында ШҚО ТЖД жасағының басшылары Алексей Оградов, Ақылбек Мұхаев, Ержан Қасымханов, Ерік Тойбаевтың болғанын және барлығы жұмыла суға батқандарға көмектесіп, алғашқы көмек көрсетіп, дер кезінде жедел жәрдем шақырған.