Павлодар облысында вагондардың неліктен рельстен шығып кеткені белгілі болды

15 Шілде 2015, 14:10
0
Павлодар облысында вагондардың неліктен рельстен шығып кеткені белгілі болды - © gorodkirov.ru
© gorodkirov.ru

Павлодар облысындағы Шідерті станциясында сұйытылған газ толы цистерналардың рельстен шығып кетуінің алдын ала себептері аталды, - деп хабарлайды Tengrinews.kz тілшісі "Қазақстан темір жолы" ҰК" АҚ баспасөз қызметіне сілтеме жасап.

"Алдын ала мәлімет бойынша, Павлодар жол бөлімі Екібастұз-Ерейментау учаскесінің Шідерті станциясында №2113 жүк пойызының сұйытылған газға толы үш цистернасы вагон арбашасы торабының бұзылуынан рельстен шығып кеткен. Бұл қозғалтқыш бөлік 2014 жылы 9 қаңтарда депо жөндеуінен өткен", - делінген хабарламада.

ҚТЖ мамандарының айтуынша, вагонға жөндеу жұмыстарын жүргізген жеке вагон депосына технологиялық процесс пен жөндеу жұмыстарының сапасын тексеру үшін арнайы комиссия құрылады. Еске сала кетейік, бұған дейін Павлодар облысында сұйытылған газы бар цистерналардың 15 шілде күні теміржолда аударылып қалғаны хабарланған болатын. Апаттың салдары қалпына келтіріліп жатыр. Қаза болғандар мен зардап шеккендер жоқ. Жолаушылар пойыздарының кешігуі туралы хабар түспеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай