1. Басты
  2. Біл
  3. Оқиға
  4. Тосын жай

Павлодарда кран құлап, 30 үй жарықсыз қалды 14 наурыз 2021, 14:42

Павлодарда көлікке кран кұлады, 30 үй жарықсыз қалды, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Instagram-нан алынған кадр Instagram-нан алынған кадр

Павлодарда көлікке кран кұлады, 30 үй жарықсыз қалды, - деп хабарлайды Tengrinews.kz тілшісі.

Павлодар орталығындағы құрылыс алаңында автокран құлап, электр беру желісін зақымдады, 30-ға жуық жеке үй жарықсыз қалды. Сондай-ақ, құрылыс материалдарын тас-талқан етті. Қаза болғандар мен зардап шеккендер жоқ.

Оқиғаның видеосы Instagram-да жарияланды. "Кран құлап, приораны қиратты", - дейді куәгер. Видеода кранның құрылыс вагонының төбесіне құлап, оны майыстырғаны көрінеді. Салдарынан құрылыс материалдары көлікке түскен. 

Облыстық ТЖД баспасөз қызметінің мәліметінше, автокран 13 наурызда сағат 17.03-те Естай - Больничный тұйық көшесінің қиылысында құлаған.

"Құрылыс жұмыстары кезінде жеке ұйымның шынжыр табанды краны электр беру желісіне аударылып түсті, салдарынан 30-ға жуық жеке тұрғын үй бірнеше сағатқа электрсіз қалды", - деп хабарлады Павлодар облысы ТЖД баспасөз қызметі өкілі.

Посмотреть эту публикацию в Instagram

Публикация от kerek (@kerek.pv)

Зақымдалған электр желісін қалпына келтіру үшін шамамен бес сағат қажет болды.

"Қалалық электр желілері кәсіпорнының қызметкерлері жөндеу-қалпына келтіру жұмыстарын 13 наурызда 21.50-де толық аяқтады. Оқиға болған жерге ТЖД-ның бір қызметкері шықты. Қаза болғандар мен зардап шеккендер жоқ", - деді ведомство өкілі. 

Сонымен қатар, полиция департаменті баспасөз қызметінің мәліметінше, зақымдалған көлік иесінен әлі өтініш түспеген.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!



Firebase Cloud Messaging