1. Басты
  2. Біл
  3. Оқиға
  4. Тосын жай

Полициядан қашқан ер адам басынан айырылды

©Тengrinews.kz ©Тengrinews.kz

Қарағандыда жол-патруль полициясынан қашқан ер адам апатқа ұшырап, басынан айырылды, - деп хабарлайды Tengrinews.kz тілшісі. 

Төтенше оқиға сағат 10.00 шамасында Михайловка ықшамауданында болды. Жол-патруль қызметінің экипажы жылдамдығын асырған Suzuki Vitara автокөлігінің ізіне түскен. "Соңына түскен полицейлерден қашқан автокөлік жүргізушісі рульге ие бола алмай қалып, жолдың жиегіне аударылды. Ер адамның басы жұлынып қалды", - деп хабарлады Қарағанды облыстық әкімшілік полиция басқармасының жол-патруль полкы кезекші бөлімінің өкілдері.

Полицияның мәліметінше, автокөлік екі рет аударылған. Жол-көлік оқиғасы кезінде жүргізуші салоннан ұшып кетті. Ол тасқа соғылып, басынан айырылды. Бұл оқыс оқиға бойынша тергеуалды тексеріс жүргізілді. Жүргізушінің аты-жөні анықталып жатыр. Еске сала кетейік, 2012 жылы Өскеменде жаяулар жолынан өтіп бара жатқан адамды жүк көлігі қағып кеткен еді. Көлік соқысы ер адамның басын жұлып кетті.

 

Қазақстанда күн суытады