Қостанайда жолаушылар автобусы мүгедек адамды басып кетті, - деп хабарлайды "Интерфакс-Қазақстан" облыстық ішкі істер департаментіне сілтеме жасап.
"Ер адам таяққа сүйеніп жүріп келе жатты. Ол аялдамада тұрған автобустан шыққан бойда, автобус қозғалды да, мүгедек адам құлап кетіп, дөңгелектердің астына түсіп қалды", - дейді полиция өкілдері.
ІІІ топтағы мүгедек оқиға орнында қайтыс болды. Бұл факті бойынша тергеуалды тексеріс жүріп жатыр.