18 мамырда шамамен сағат 14:30-да Қостанайда жол-көлік оқиғасы болды, - деп хабарлайды Alau.kz.
Жол апаты Баймағамбетов және Гагарин көшелерінің қиылысында болды. Екі көліктің соғысуының салдарынан Lada Granta аударылып қалған. Куәгерлердің айтуынша, Suzuki көлігінде отырған адамдар зардап шеккен. Адамдар жапон көліктің ішінде балалардың болғанын айтады.
Жол-көлік оқиғасынан Lada Granta және Suzuki автокөліктері бүлінді.
Қостанай облыстық ІІД баспасөз қызметі осы жағдайға байланысты әзірше пікір білдірген жоқ.
