1. Басты
  2. Біл
  3. Оқиға
  4. Тосын жай

Шахтинск маңындағы көмір шахтасындағы өрт ауыздықталды16 ақпан 2020, 11:05

© Тұрар Қазанғапов © Тұрар Қазанғапов

Шахтинск маңындағы көмір шахтасында өрт шықты, - деп хабарлайды Tengrinews.kz тілшісі ҚР ІІМ ТЖК баспасөз қызметіне сілтеме жасап. 

"Өрт 03.40-та ауыздықталды. Содан кейін осы учаскеде көмір массивін суыту жұмыстары жүргізілді. Кеніш ауасындағы көмірқышқыл газының құрамы нормадан аспайды", - деді ТЖ Комитетінің өкілдері. 

Еске салайық, өрт туралы хабар 15 ақпанда 21:30-да түскен. Болжаммен 100 метр тереңдікте өрт шыққан. Шахтада 116 адам болған, оларды эвакуациялады. 

"Өрт сөндіруге ҚР ИИДМ "РЦШ "ПВАСС" ЖШС 60 маманы мен 6 арнайы техника жұмылдырылды. Шахта "АрселорМиттал Теміртау" АҚ-ға тиесілі", - делінген хабарламада. 

Қаза тапқандар мен зардап шеккендер жоқ.