05 қаңтар 2022 15:20

Шерушілер Алматы әкімдігіне басып кіруге әрекет жасады, ғимарат өртенді

Жансая Қадыржанова Корреспондент

ПОДЕЛИТЬСЯ

© Tengrinews.kz / Жасұлан Нұрқасымов © Tengrinews.kz / Жасұлан Нұрқасымов

Шерушілер Алматы әкімдігі ғимаратына басып кіруге әрекет жасады. Артынша ғимараттан өрт шықты, - деп хабарлайды Tengrinews.kz тілшісі.


Шерушілер Алматы әкімдігі ғимаратына басып кіруге әрекет жасады. Артынша ғимараттан өрт шықты, - деп хабарлайды Tengrinews.kz тілшісі.

Әлеуметтік желілерде Алматы әкімдігі маңындағы тәртіпсіздіктің видеолары пайда болды. Куәгерлердің айтуынша, шерушілер ғимаратқа басып кіруге әрекет жасаған, ал кейін ғимарат қасбетінен будақтап шыққан түтінді көруге болады. 


© Tengrinews.kz / Жасұлан Нұрқасымов

Еске салайық, әлеуметтік желілерде Алматының Республика алаңында түсірілген видеолар жарияланған еді. Роликтен түтінді көруге болады. Куәгерлер дыбыстық гранаталар жарылғанын хабарлады.

Бұған дейін 4 қаңтарда наразылық білдірушілер жиналған "Алматы Арена" маңындағы жағдайды байқап, кейін қала орталығына бет алғаны хабарланды.

Кейінірек Президент Қасым-Жомарт Тоқаев Алматы қаласы мен Маңғыстау облысында төтенше жағдай енгізу туралы Жарлыққа қол қойды. Мемлекет басшысы Қасым-Жомарт Тоқаев Алматы қаласы мен Маңғыстау облысында 2022 жылғы 5 қаңтардағы сағат 01:30-дан 2022 жылғы 19 қаңтардың сағат 00:00 кезеңі аралығында төтенше жағдай енгізу туралы Жарлыққа қол қойды. Сондай-ақ, Президент Қасым-Жомарт Тоқаев Алматы облысында төтенше жағдай енгізгені белгілі болды. 

Қасым-Жомарт Тоқаев елімізде қалыптасқан күрделі қоғамдық-саяси және әлеуметтік-экономикалық жағдайға тоқталып, сұйытылған газ бағасының артуына байланысты халықтың наразылығын тудырғаны үшін Үкімет, соның ішінде, Энергетика министрлігі, сондай-ақ "Қазмұнайгаз" бен "Қазақгаз" кәсіпорындары кінәлі екенін айтты.

Осы оқиғалардан соң Қазақстан Президенті Қасым-Жомарт Тоқаев Үкіметті отставкаға жіберу туралы Жарлыққа қол қойды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 441.68   490.7   4.99 

 

Ауа райы

 

Редакция Жарнама
Социальные сети