Шығыс Қазақстан облысының Первомайский кентінде көлік ағашқа соғылып, үш адам қаза тапты, деп хабарлайды Tengrinews.kz тілшісі.
Полиция не дейді?
ШҚО Полиция департаменті алдын ала мәлімет бойынша, ВАЗ-2110 жүргізушісі рульге ие бола алмай, ағашқа соғылғанын хабарлады.
Апат салдарынан жүргізуші мен екі жолаушы оқиға орнында тіл тартпай кеткен.
Полиция мәліметінше, істің барлық мән-жайын объективті түрде анықтау үшін тергеу амалдары жүргізіліп жатыр.
