ШҚО-да орман өртінің аумағы 6 есе ұлғайды 24 сәуір 2020, 12:19
Шығыс Қазақстан облысындағы "Семей орманы" резерватының аумағындағы өрттің ауданы түн ішінде 6 есе ұлғайып, 2 мың гектарға жуық жерді шарпыды, - деп хабарлайды Tengrinews.kz тілшісі Экология, геология және табиғи ресурстар министрлігінің Орман шаруашылығы және жануарлар дүниесі комитетінің баспасөз хатшысы Сәкен Ділдахметке сілтеме жасап.
"24 сәуірlt сағат 07.40-тағы жағдай бойынша өрт ауданы шамамен 2000 гектар болды. Қатты түтін салдарынан орманның іші не сыртындағы өртенген ауданның көлемін анықтау мүмкін емес", - деді Ділдахмет.
Оның айтуынша, өртті сөндіруге 88 дана техника мен 293 адам жұмылған.
Өрт орнында таңертең сағат 7.00-ден бастап "Қазәуеорманқорғау" РМҚК Ми-2 және Ми-8 ұшақтары жұмыс істеп жатыр.
Қазақстан жаңалықтары. Соңғы жаңалықтар. Telegram желісінде бізге жазыл!