+7 (777) 001 44 99
ПОДЕЛИТЬСЯ
30 шілде күні Астана қаласы ішкі істер департаментіне "Сапаржай" автовокзалы ғимаратының жарылатыны туралы хабар келіп түскен, - деп хабарлайды Tengrinews.kz тілшісі департаменттің баспасөз қызметіне сілтеме жасап.
30 шілде күні Астана қаласы ішкі істер департаментіне "Сапаржай" автовокзалы ғимаратының жарылатыны туралы хабар келіп түскен, - деп хабарлайды Tengrinews.kz тілшісі департаменттің баспасөз қызметіне сілтеме жасап.
"Оқиға орнына шұғыл жеткен полиция қызметкерлері автобекет аумағын қоршауға алды. Мұнда Астана қаласы ІІД жетекшілігі, тергеу-жедел әрекет ету тобы, шұғыл қызметтер келді. Автобекеттің жұмысы тоқтатылды. Ғимараттан 2000-нан астам адам шығарылды, іргелес аумақтардан 13 автобус пен 12 жеңіл автокөлік көшірілді. "Арлан" арнайы бөлімшесі мен кинологиялық орталық қызметкерлері ғимаратты тексеріп шықты. Жарылғыш зат табылмады", - делінген хабарламада.
Кейінірек полицияға хабар берген әйелдің кім екені белгілі болды. "Ақмола облысының бұзақылық ниетпен терроризм акті туралы көпе-көрінеу жалған хабар бергенін мойындаған 25 жастағы тұрғыны ұсталды. Сөзіне қарағанда, ол автобекет ғимаратында отырып, антитеррористік қорғаныс туралы жадынамада көрсетілген телефон нөміріне қоңырау шалып, шұғыл қызметтердің қаншалықты жедел қимылдайтынын тексермек болған", - деп хабарлады баспасөз қызметі.
Бұл дерек бойынша қылмыстық іс қозғалды. Күдікті Астана қаласы ІІД уақытша ұстау изоляторына қамалды. Ол өз әрекетінен келген материалдық шығынды өтейтін болады. Полицейлердің мәліметінше, соңғы кездері ғимараттарға бомба қойылғаны туралы жалған хабар берушілердің қатары көбейіп кетті. "Әзілқойлар" өз әрекеттерінің салдары туралы ойлана бермейді. "Астана қаласы ішкі істер департаменті 2012 жылдан бері терроризм әрекеті туралы көпе-көрінеу жалған ақпарат берудің жазасы қатайғанын хабарлайды. Егер бұрын аталған баптың санкциясы 200-ден 500 АЕК-ке дейін айыппұл салу немесе екі жылға түзеу жұмысына салу не алты айдан екі жылға дейін түрмеге қамау болса, енді мұндай қылмыс үшін алты жылға дейін бас бостандығынан айыру қарастырылады", - дейді полиция өкілдері.
