1. Басты
  2. Біл
  3. Оқиға
  4. Тосын жай

Шымкентте BMW жүргізушісі әйел адамды қағып кетті

© 1ul.ru © 1ul.ru

Шымкентте Желтоқсан көшесінде жаяу жүргіншілер жолында BMW маркалы автокөлігінің жүргізушісі 1970 жылғы әйелді қағып кетті. Оқиға 5 маусымда болған, - деп хабарлайды "Отырар"

Көлік жүргізушісі көлік әйнегіне күннің шағылысуынан жаяу жүргіншілер жолағынан өтіп бара жатқан әйелді байқамай қалғанын айтты. Зардап шеккен әйел бас және аяқ жарақатымен жедел жәрдеммен ауруханаға жеткізілді. Оқиға орнында анықтаушылар жұмыс істеп жатыр. 

Жергілікті тұрғындардыің айтуынша, бұл жерде жол апаты жиі болады екен. Олар Еңбекші аудандық әкімдігіне жасанды кедергілерді орнату үшін бірнеше рет жүгінген. Мұндағы жаяу жүргіншілер жолағы көмескіленіп кеткен. Қайта жаңартуды талап етеді.