Шымкентте кондуктор қайтыс болған жол апатының видеосы жарияланды

17 Қыркүйек, 14:07
0
Шымкентте кондуктор қайтыс болған жол апатының видеосы жарияланды - видеодан үзінді
видеодан үзінді

Шымкентте жеңіл көлік пен автобустың соқтығысқан сәтінде түсірілген видео пайда болды, - деп хабарлайды Tengrinews.kz тілшісі. Оқиға салдарынан қоғамдық көліктің кондукторы қаза тапты. 

Видеода Бәйтереков пен Назарбаев көшесінің қиылысында автобустың бағдаршамның қызыл түсіне өтіп кетпекші болғаны түсірілген. Осы кезде сол жақтан Toyota Camry көлігі келе жатқан. Соққы салдарынан автобус бір жағына ауып кетіп, бірнеше метр қозғалған. Camry салонында жүргізушіден бөлек тағы бір жолаушы болғаны белгілі болды, ол жол-көлік оқиғасынан кейін өздігінен көліктен шыққан. 

Еске салайық, Шымкентте жолаушылар автобусы жеңіл көлікпен соқтығысты.

Соққыдан автобустың бір жанына аударылып қалғаны айтылады. Нәтижесінде бір адам қаза тапты, ол - кондуктор. 13 адам жарақат алды. Оның үшеуі - бала. Зардап шеккендер ауруханаға жеткізілді.

"Бір әйелдің жасы 39-да, ол жансақтау бөлімінде жатыр. Ол миы шайқалып ауруханаға түскен. Барлығы ауруханаға 10 адам жатқызылған. Ең кішісі 17 жаста, ал ең үлкені 56-да", - деп хабарлады № 1 қалалық клиникалық аурухана қабылдау бөлімінің меңгерушісі Өткіржан Молдаханов.

Бұл дерек бойынша сотқа дейінгі тергеп-тексеру ҚР ҚК-нің 345-бабының 3-бөлігі бойынша жүріп жатыр. Сот сараптамасы тағайындалған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай