+7 (777) 001 44 99
ПОДЕЛИТЬСЯ
Соңғы төрт айда 10 адам пойыздың астына түсіп қаза тапқан, оның үшеуі - бала, - деп хабарлайды "Астана" телеарнасы "Жүк тасымалы" АҚ өкілдеріне сілтеме жасап.
Соңғы төрт айда 10 адам пойыздың астына түсіп қаза тапқан, оның үшеуі - бала, - деп хабарлайды "Астана" телеарнасы "Жүк тасымалы" АҚ өкілдеріне сілтеме жасап.
Телеарнаның мәліметінше, машинистер апаттың алдын алу үшін 880 жедел тежегішті қолданған. Алайда 10 жағдайда тоқтап үлгермепті. Жазғы демалысқа байланысты теміржол бойында балалар жарақатынының алдын алу үшін үш айлық жарияланды. Балалар көбіне тоқтап тұрған вагондарға шығып, токқа түсіп көз жұмып жатады екен.
"Балалар білмей қалып, токқа түсіп жатыр. Тұрған вагондарға мінеді. Ол жақта ештеме жоқ деп ойлайды, ойнайды, секіреді. Бірақ та сол токқа түсіп...өкінішке қарай ондай жағдайлар болып жатыр", - дейді "Жүк тасымалы" АҚ Өндірістік қауіпсіздік жөніндегі атқарушы директоры Айтым Құрақбаев.
Құлаққап кигендердің жақындаған пойыз дауысын естімей қалатын жағдайлары да көп екені айтылады. Сондықтан "Жүк тасымалы" өкілдері ата-аналардан балаларын шойын жол нысандары аумағына ойнауға жібермеуін сұрайды.
