+7 (777) 001 44 99
Қазақша
Русский
English
Шығыс Қазақстан облысында екі бала мен бір ер адам отырған көлік жол апатына түсті, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Баспасөз қызметінің мәліметінше, оқиға Аягөз ауданында Өркен ауылына жақын маңда болған. "Ваз 2107" жеңіл автокөлігінің жүргізушісі жылдамдықты асырып, рульге ие бола алмай, көлік аударылып қалды. Соның салдарынан 34 жастағы жүргізуші алған жарақаттарынан сол жерде қаза болып, 13 жастағы қыз ауруханаға жетпей көз жұмды. Ал 7 жасар бала ауруханаға жатқызылды.
"Бұл дерекке қатысты 345-баппен қылмыстық өндіріс қозғалды. Сонымен бірге, бірқатар сараптама тағайындалды. Жол-көлік оқиғасының мән-жайын анықтау үшін тергеу жүріп жатыр", - дейді баспасөз қызметіндегілер.
