Жамбыл облысында 4,1 балдық жер сілкінісі болды деп хабарлайды Білім және ғылым министрлігінің Сейсмикалық сынамалы-әдістемелік экспедиция комитетіндегілерге сілтеме жасаған Tengrinews.kz тілшісі.
Жер сілкінісі Алматының оңтүстік-батысынан 137 шақырым жерде 13 ақпанда Астана уақытымен 18:21-де тіркелген. Жер дүмпуінің энергетикалық күші 8,7 көрсеткішін құраған. Адам шығыны мен қирандылар туралы мәлімет жоқ.
Еске сала кетелік, 3 ақпанда Алматы облысында 3,4 балдық жер сілкінісі орын алған болатын. Жер асты тербелісі Талдықорғаннан солтүстік-шығысқа қарайғы 166 шақырымдағы жерден тіркелген.