"Ақтөбе" Чемпиондар лигасын Тбилисидің "Динамосымен" бастайды

23 Маусым 2014, 17:46
0
"Ақтөбе" Чемпиондар лигасын Тбилисидің "Динамосымен" бастайды - Фото uefa.com сайтынан
Фото uefa.com сайтынан

Бүгін Ньонда футболдан Чемпиондар лигасының алғашқы електік екі сатысының жеребесі тартылды. Қазақстан чемпионы "Ақтөбе" Тбилисидің әйгілі "Динамосымен" кездесетін болды, деп хабарлайды Tengrinews.kz.

УЕФА Чемпиондар лигасының бірінші сатысында алты жұп қана додаға түседі. "Ақтөбе" биылғы Чемпиондар лигасы додасына екінші електік кезеңнен қосылады.

Негізі, екінші електік сатыдағы командалардың бәрі үш топқа бөлінген болатын. "Ақтөбе" соның біріншісінде БАТЭ (Беларусь), "Марибор" (Словения), "Маккаби" (Тель-Авив, Израиль), "Шериф" (Молдова) сынды азулы клубтармен бір себетте болды.

Алайда ақтөбеліктер осы бірінші топтың екінші себетіндегі ең әйгілі клубқа тап болды. Ал екінші себетте Грузия чемпионынан басқа "Скендербеу", "Зриньски", "Сутьеска" және бірінші електік кезеңнен өткен бір клуб болған еді.

Енді, басқа амал жоқ. Тек ойнау керек. "Ақтөбеге" бұйырғаны Грузия клубы болды. Шежіресі қандай бай болсын, Тбилисидің "Динамосын" жеңу керек.

Бірінші ойын 15 немесе 16 шілде күні Тбилисиде өтеді. Қарымта матч 22 немесе 23 шілде күні Ақтөбеге белгіленген.

Жалпы, Чемпиондар лигасының бүгін Ньонда тартылған жеребесі төмендегідей болды:

Бірінші саты (1/2 және 8/9 шілде)

ФК "Санта-Колома"(AND) – "Бананц" (ARM)
"Линкольн" (GIB) – "Торсхван" (FRO)
"Ла-Фиорита" (SMR) – "Левадия" (EST)

Екінші саты (15/16 және 22/23 шілде)

БАТЭ (BLR) – "Скендербеу" (ALB)
"Маккаби" (Тель-Авив, ISR) – "Санта-Колома"(AND)/"Бананц" (ARM)
"Динамо" (Тбилиси, GEO) – "Ақтөбе" (KAZ)
"Зриньски" (BIH) – "Марибор" (SVN)
"Шериф" (MDA) – "Сутьеска" (MNE)
"Спарта" (Прага, CZE) – "Ла-Фиорита" (SMR)/"Левадия" (EST)
"Мальме" (SWE) – "Вентспилс" (LVA)
"Слован" (Братислава, SVK) – ТНС (WAL)
"Селтик" (SCO) – КР "Рейкьявик" (ISL)
"Клифтонвилл" (NIR) – "Дебрецен" (HUN)
"Партизан" (SRB) – "Линкольн" (GIB)/"Торсхван" (FRO)
"Легия" (POL) – "Сент-Патрикс" (IRL)
"Работнички" (MKD) – ХИК (FIN)
"Динамо" (Загреб, CRO) – "Жальгирис" (LTU)
"Лудогорец" (BUL) – "Дюделанж" (LUX)
"Валлетта" (MLT) – "Карабах" (AZE)
"Стремсгодсет" (NOR) – "Стяуа" (ROU)


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай