"Ақтөбе" клубын Игорь Рахаев жаттықтыратын болды

02 Желтоқсан 2016, 17:32
0
"Ақтөбе" клубын Игорь Рахаев жаттықтыратын болды - © vk.com
© vk.com

"Ақтөбе" футбол клубына жаңа бас жаттықтырушы келді. Команданы украиналық маман Игорь Рахаев жаттықтырады, - деп хабарлайды Мassaget.kz клуб баспасөз қызметіне сілтеме жасап.

43 жастағы жаттықтырушы спорттық мансабында жартылай қорғаушы болған. Ал жаттықтырушылық қызметте 2014-2015 жылдары Украинаның "Металлист" командасында қызмет атқарған. 2016 жылдың қаңтар айында "Заря" клубының (Молдова) тізгінін ұстаған. Кейіннен бұл командамен де келісімшарты ұзаққа созылмаған.

Бейресми деректер бойынша, Игорь Рахаев "Ақтөбеде" айына 3,5 миллион теңге көлемінде жалақы алатын көрінеді.

Осыған дейін ақтөбелік ұжымды Петр Бадлоның жаттықтыруы мүмкін екені айтылған еді. Ал команданы жаттықтырып келген ресейлік маман Юрий Уткульбаев маусым соңынан қызметінен кеткен-ді.

Айта кетейік, "Ақтөбе" футбол клубының директоры Дмитрий Васильев ұсталған болатын. Сыбайлас жемқорлыққа қарсы іс-қимыл ұлттық бюросы "Ақтөбе" облыстық футбол клубы" АҚ басшысының бюджет қаражатын жымқырған деректерін анықтады.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай