+7 (777) 001 44 99
ПОДЕЛИТЬСЯ
Чехия құрамасы футболдан Еуропа чемпионаты топтық кезеңінің 1-турында Шотландияны жеңді, - деп хабарлайды Tengrinews.kz тілшісі.
Чехия құрамасы футболдан Еуропа чемпионаты топтық кезеңінің 1-турында Шотландияны жеңді, - деп хабарлайды Tengrinews.kz тілшісі.
Ойын Глазгодағы "Хэмпден Парк" стадионында өтті. Шотландиялықтар өз алаңында чех футболшыларынан жауапсыз екі гол жіберді.
Бірінші гол 42-минутта соғылды - Патрик Шик айып алаңына асырылған допты басымен қақпаға дәл бағыттады.
Ал екінші гол осы турнирдегі ең әдемі гол атағына таласа алады. 52-минутта чехтардың қарымта шабуылы кезінде Шик алаң ортасынан соққы жасады - қақпасынан алысқа шығып кеткен голкипер қайтып үлгермеді.
Фото: twitter.com/EURO2020
Шотландиялықтардың есеп айырмасын қысқартатын бірнеше мүмкіндігі болған, алайда чех қақпашысы Томаш Вацлик командасын голдан сақтап қалды. 2:0 - Чехия құрамасы турнирді жеңіспен бастады.
D тобында кеше Англия құрамасы Хорватияны 1:0 есебімен жеңген. 1-турдан соң бұл квартетте Чехия көш бастап тұр, Англия - екінші орында. Әзірше Хорватия үшінші, Шотландия төртінші орында келеді.
Енді бұл топтағы 2-тур ойындары 18 маусымда өтеді. Хорватия Чехиямен, Англия Шотландиямен күш сынасады.
Посмотреть эту публикацию в Instagram
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
