+7 (777) 001 44 99
ПОДЕЛИТЬСЯ
Футболдан Еуропа чемпионаты плэй-офф кезеңіндегі кезекті екі матчте 14 гол соғылып, сенсация тіркелді, - деп хабарлайды Tengrinews.kz тілшісі.
Футболдан Еуропа чемпионаты плэй-офф кезеңіндегі кезекті екі матчте 14 гол соғылып, сенсация тіркелді, - деп хабарлайды Tengrinews.kz тілшісі.
1/8 финалдағы Хорватия мен Испания матчі Копенгагендегі "Паркен" стадионында өтті. Бұл матчте испандар 5:3 есебімен жеңді.
20-минутта испаниялық қақпашы Унаи Симон пасты қабылдай алмай, допты өз қақпасына жіберіп алды. 38-минутта Пабло Сарабия гол соғып, таразы басы теңесті.
57-минутта испан қорғаушысы Сесар Аспиликуэта өз командасын алға шығарды. Кейін Испания құрамасы үшінші голын салды - 77-минутта Феррар Торрес көзге түсті.
Ал ойын соңына қарай хорваттар есепті теңестіре алды, 85-минутта Милас Оршич гол соқса, бірнеше минуттан соң Марио Пашалич ойынды овертаймға ауыстырды.
Бірақ қосымша уақытта Альваро Мората мен Микель Оярсабаль гол салып, Испания 5:3 есебімен жеңді.
© Reuters
Ал Бухаресттегі "Националь" стадионында әлем чемпионы Франция мен Швейцария кездесті. Бұл ойынның негізгі уақыты 3:3 есебімен аяқталды.
15-минутта швейцариялықтар Харис Сеферовичтің көмегімен есеп ашты. 55-минутта Швейцария есепті еселейтін мүмкіндікті мүлт жіберді - Рикардо Родригес пенальтиден гол соға алмады.
Бірнеше минуттан соң француздар есепте алды болды. Кәрім Бензема екі минутта екі гол соқты. 75-минутта Франция үшінші голын салды: Поль Погба алыстан дәл соққы жасады.
Ойынның соңына қарай швейцариялықтар екі гол соқты: 81-минутта Сеферович дубль авторы атанса, 90-минутта Гавранович таразы басын теңестірді.
Овертаймда командалар есепті өзгерте алмай, жеңімпаз пенальти сериясында анықталды. Бұл тұста швейцариялықтар барлық голын салды, ал шешуші соққы жасаған Килиан Мбаппе мүлт кетті.
? Jubilation! ??
— UEFA EURO 2020 (@EURO2020) June 29, 2021
Switzerland = first-ever EURO knockout win ✅@nati_sfv_asf | #EURO2020 pic.twitter.com/SNPv4PHlyH
Енді Еуропа чемпионатының ширек финалында Испания мен Швейцария кездеседі. Ойын 2 шілдеде өтеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
